Doktor Vivek Gupta — o'rta asrlar va erta zamonaviy Janubiy Osiyo, Markaziy Osiyo va Eron san'ati, me'morchiligi va qo'lyozma madaniyati sohasida ixtisoslashgan tarixchi va kurator. Uning tadqiqotlari markazida Temuriylar va Mo'g'ullar sulolasining XV asrdan boshlab jahon badiiy almashinuvini shakllantirishdagi roli turadi. U 2020-yilda London universitetining SOAS institutida doktorlik dissertatsiyasini himoya qilgan va hozirgi kunda UCL Tarix san'ati departamentida Britaniya akademiyasining postdoktoral tadqiqotchisi sifatida faoliyat yuritmoqda (2023–2026), Janubiy, Markaziy va G'arbiy Osiyoning o'zaro bog'liq kitob an'analari tadqiqoti bilan shug'ullanmoqda. Ilgari u Kembrij universitetida postdoktoral ilmiy xodim bo'lib ishlagan va Fitsvilliam muzeyining tadqiqot-ko'rgazma loyihasi Hindustani Airs: Music, Pleasure, and Cultural Exchange in Courtly Lucknowning hamkuratori sifatida faoliyatini davom ettirmoqda. Uning birinchi monografiyasi, Wonders of Hindustan: Artists and Books in the Early Modern World, nashrga tayyorlanmoqda. Vivek Gupta Britaniya akademiyasi, Smitson instituti va Kembrij universiteti stipendiyalariga sazovor bo'lgan, Fitsvilliam muzeyi va Kembrij Isus kollejida loyihalar yaratgan. ЦСИ Тошкентдa u Janubiy va Markaziy Osiyo o'rtasidagi zamonaviy badiiy va intellektual aloqalar bo'yicha tadqiqot olib bormoqda.