CCA Tashkent: Jeyms Klar rezidensiyasini «10 000 quyosh» asari bilan yakunladi

19-iyun kuni rassom Jeyms Klar Markazdagi ijodiy tashrifini Parkentdagi Katta quyosh sandonidan ilhomlangan ʻʻ10,000 quyoshʼʼ fazoviy ko‘p kanalli video installyatsiya taqdimoti bilan yakunladi. Tashrif buyuruvchilar installyatsiyani ko‘rish va uning immersiv muhitiga sho‘ng‘ish imkoniyatiga ega bo‘ldilar.

Badiiy qurilma yorug‘lik, texnologiya va quyoshning idrok, xotira va madaniyatlar evolyutsiyasini qanday shakllantirishini o‘rganadi. Ekranlar, monitorlar va proyeksiyalarda taqdim etilgan videomateriallardan yig‘ilgan installyatsiya nurlar makonini yaratdi.

Tomoshabinlar makon bo‘ylab harakatlanib, o‘zgaruvchan istiqbollar, landshaftlar va vaqt lahzalariga duch kelishdi.