Toshkentda “BENCHELLAL, monumental | Ertangi o‘tmish haykaltaroshligi” ko‘rgazmasi ochildi.

O‘zbekiston tarixi davlat muzeyida namoyish etilayotgan ko‘rgazmada niderlandiyalik-marokashlik kutyurye va rassom Mohamed Benchellalning Toshkentdagi Zamonaviy san'at markazi rezidentlik dasturi davomida yaratgan yangi haykaltaroshlik asarlari taqdim etilgan.

Kutyur, haykaltaroshlik va me’morchilikni bir makonda uyg‘unlashtirgan ekspozitsiya mahobatli shakllar va madaniy landshaftlarni tadqiq etib, inson tanasi va makon o‘rtasidagi munosabatga yangicha nigoh bilan qaraydi.

Ko‘rgazma 2026-yil 5-sentabrdan 8-noyabrga qadar davom etadi.

“BENCHELLAL, monumental | Ertangi o‘tmish haykaltaroshligi” ko‘rgazmasiga keling va tanishing.