Arxitektura uyushmasi (AA)ning Samarqanddagi Sayyor maktabining “Tasavvurdagi osmonu-falak”

Arxitektura uyushmasi (AA)ning Samarqanddagi Sayyor maktabining “Tasavvurdagi osmonu-falak” doirasida o‘tkazilgan “Iqlim kartografiyasi” dasturi Bahrayn, Buyuk Britaniya, Hindiston, Niderlandiya, Xitoy va O‘zbekistondan 20 nafar mahalliy va xalqaro talabalarni jamladi. Ishtirokchilar astronomiya tarixi, kuzatish usullari va iqlim haqidagi o‘zgaruvchan tasavvurlar o‘rtasidagi bog‘liqlikni kashf etdilar.

Samarqand va Toshkentdagi munozaralar, studiya mashg‘ulotlari va sayyor tadqiqotlar davomida talabalar osmon va koinotning turli badiiy, me’moriy va ilmiy an’analarda qanday idrok etilishi va tushunilishini o‘rgandilar. Ulug‘bek rasadxonasi, “Maydanak” astronomik rasadxonasi va Quyosh sandoniga buyurilgan tashriflar astronomiya, me’morchilik, texnologiya va mintaqa tarixi o‘rtasidagi bog‘liqlikni chuqurroq o‘rganish imkonini berdi.

Guruhlarda ishlash orqali talabalar tadqiqot usullari, xaritalash va me’moriy tajriba-sinovlarni uyg‘unlashtirgan holda o‘zlarining kuzatish vositalarini ishlab chiqdilar. Dastur 14-sentabrda ishtirokchilarning loyihalari taqdimoti bilan o‘z nihoyasiga yetdi.